Dumengia, ils 15 da settember 2024, undrescha la Surselva Romontscha sis novas persunalitads el Curtin d’honur a Trun. Las festivitads entscheivan las 16.00 el Curtin d’honur cun musica e cant. Las undrientschas suondan las 16.45 ella Sala da cultura. Leu presentan Laura Decurtins, Alexa Giger e Martin Cabalzar veta ed ovra dils sis undrai: Benedetg Dolf, Flurin Darms, Toja Isenring, Vic Hendry, Matias Spescha e Gion Antoni Derungs. Musica, cant e films cuorts cumpleteschan il program. Silsuenter ein tuttas e tuts envidai ad in aperitiv che la vischnaunca da Trun sponsurescha.
Plinavon venda la Surselva Romontscha ina publicaziun festiva che cuntegn biografias cuortas tier mintga persuna undrada el Curtin d’honur sco era in’introducziun davart l’historia da quei panteon romontsch. La publicaziun ei vegnida redigida da Martin Cabalzar e vegn vendida per 5.-. Nus supplichein interessentas ed interessents da prender muneida per cumprar quella.
Bien da saver: En cass da malaura ni plievgia entscheiva il program direct en Sala da cultura, denton pér las 16.15. Nus informein sin nossa pagina d’internet / instagram.
En mintga cass selegrein nus d’astgar beneventar Vus dumengia a Trun ed engraziein gia ordavon a tuts susteniders. Dapli informaziuns anfleis Vus giusut. Impressiuns dallas festivitads suonda suenter las festivitads.
Surselva Romontscha, ils 11 da settember 2024