A caschun dalla Radunonza Generala dalla Surselva Romontscha, che ha giu liug ils 18 da settember 2020 a Trun, ha Isidor Winzap prelegiu dil niev cudisch “Il Multè fatal” da Valentin Vincenz. Il cudisch presenta ina realitad che la societad d’in vitg muntagnard catolic tegneva tschelau. Valentin Vincenz possiblitescha al lectur da prender envesta d’in fatg entochen oz pauc tractaus ella literatura romontscha. El protocol dalla radunonza generala ch’ei uss publicaus san ins prender enconuschientscha d’ulteriurs detagls davart il decuors dall’occurrenza.
Fontauna maletg: RTR