La gruppa da rock romontsch probabel la pli selvadia e nunconvenziunala duront ils dus decennis 1980 ed entschatta 1990 en Surselva: Caschiel, Carnpiertg e Remiedi (1987-1992). Els han scret historia cun il “Blues da purs” ed il “Gion Giusep”. Lur motto immortal: schar o il piertg sin tribuna. Musica, fiasta e suadetsch tochen sil peter pis. Cul slogan “La scena ei pintga, aber ella ei biala”.
Posthum ha CCR ediu gl’onn 2000 la CD “retro”. In’ovra che cuntegn numerusas canzuns da Caschiel, Carnpiertg e Remiedi sunadas live sin tribuna. Da retrer sin damonda exclusiv tier la Surselva Romontscha.