Sonda, ils 30 da november 2024, fa la Surselva Romontscha part dalla fiera d’advent a Glion cun in agen stan che porscha cudischs, vin cauld e punsch. Plinavon ha mintgin ina schanza da gudignar in pign premi tier la roda da cletg.
D’ina purschida speciala san las commembras ed ils commembers dalla Surselva Romontscha profitar: Vus saveis cumprar alla fiera d’advent u il Calender Romontsch ni il Calender per mintga gi per in prezi reduciu (14.–). Ei vala denton: ei ha aschi ditg sco ei ha!
Nus selegrein d’astgar beneventar Vus a Glion e da far l’ina ni l’autra paterlada …
